BloguBurime LigjoreKontratat & TransaksionetA Do t’i Kem të Drejtat e Autorit Nëse Përmbledh Veprat e Harry Potter-it?

August 23, 20220
http://blog.legit.al/wp-content/uploads/2022/08/harry-potter.png

A do të dukemi njësoj në sytë tuaj nëse themi se një prej nesh nuk e ka lexuar sagën e Harry Potter-it?!

Ok, përpara se të na shikoni me paragjykim, një prej fansave më të mëdhenj të sagës u vetëofrua të bënte një përmbledhje të shtatë librave në mënyrë që të shpëtonte reputacionin e dikujt që e mban veten si lexuese të rregullt.

Më pas, në bisedë e sipër, slytherin-i u ftillua të pyeste:

“Po mirë, a do t’i kem të drejtat e autorit nëse përmbledh veprën e Harry Potter?”

Këtu u bëmë serioz dhe mbyllëm Whatsapp-in për t’ju kthyer ligjit. 

 

Çfarë parashikon ligji për përmbledhjet?

 

Ligji shqiptar nr. 35/2016 “Për të drejtat e autorit dhe të drejtat e tjera të lidhura me to” parashikon se të drejtat e autorit mbi një përmbledhje i përkasin autorit të saj, pra shkrimtarit të përmbledhjes.

 

Çfarë konsiderohet përmbledhje?

 

  • Përmbledhjet e veprave
  • Përmbledhjet e kontributeve
  • Përmbledhjet e materialeve
  • Përmbledhjet e veprave shkencore
  • Përmbledhjet e veprave artistike
  • Enciklopeditë
  • Antologjitë
  • Fjalorët
  • Përpilime materialesh
  • Përpilime të të dhënave të ndryshme
  • Përmbledhjet e gazetave
  • Përmbledhjet e revistave
  • Përmbledhjet e recensioneve 

Në çdo rast, përmbledhja duhet të jetë krijim intelektual i autorit, e sjellë në një formë ndryshe nga veprat origjinale,  për nga mënyra si bëhet përzgjedhja ose përshtatja e përmbledhjes. 

Mbrojtja ligjore mbi përmbledhjet, pra të drejtat e autorit mbi përmbledhje, nuk shtrihet mbi veprat origjinale dhe në asnjë moment nuk duhet të cënojnë të drejtat ekzistuese të autorit/autorëve fillestarë. 

Krijuesi i përmbledhjeve gëzon të drejtën e vendosjes së emrit ose titullit mbi veprën e përmbledhur, si dhe ka të drejtë të kërkojë përmendjen në çdo përdorim publik të këtyre përmbledhjeve, dhe të gëzojë të drejtat ekonomike që vijnë nga publikimi i veprës.

 

Pra mund t’i ketë kolegu ynë të drejtat e autorit mbi përmbledhjen e Harry Potter?

 

Po nëse krijon një përmbledhje pa cituar drejtpërdrejt librat, pa kopjuar pjesë të narracionit apo personazhet, e duke sjellë përmbledhjen në një formë tërësisht të re dhe ndryshe nga stili i të shkruarit të J.K. Rowling, po, mund ta bëjë! 

Ama, do t’i duhet tmerrësisht shumë imagjinatë, kështu që i urojmë fat! 

Për të tjerët që nuk duan t’i hyjnë detit thellë, ja çfarë duhet të keni parasysh nëse doni të përmblidhni një vepër:

Pronësia Intelektuale është një prej fushave më interesante të së drejtës, prandaj udhëzuesi ynë i rradhës do të jetë një material i dedikuar ndaj të gjithë kategorive së të drejtave të kësaj fushe.

Na ndiq për t’u njoftuar rreth datës së publikimit të tij!

Këtu mund të shkarkosh falas udhëzuesit e tjerë elektronik.

Leave a Reply

Your email address will not be published. Required fields are marked *

http://blog.legit.al/wp-content/uploads/2020/12/logit-white-red-icon.png
Tirana, Albania & Pristina, Kosovo
+ 355 69 634 0059
info@legit.al

Follow us:

STAY INFORMED

Subscribe


Legit.al. Calls may be recorded for quality and training purposes.

Copyright © Legit 2020