Burime LigjoreDita Pastave Alla Legit

January 4, 20220

Amerikanët kanë një Ditë Kombëtare për gjithçka.

Këtë 4 janar ama,  nuk mund të mos festonim me ta ditën e  një prej pjatave më të dashura në botë: atë të spagetit.

Për interesin tuaj: Dita Ndërkombëtare e Makaronave është më 25 tetor.

Pse të prisnim tetorin e ardhshëm për të festuar lumturinë në një pjatë? E bëjmë që sot!

 

Informacion i rëndësishëm
  • Ky nuk është një postim për ushqimin, as Legit nuk është një blog për kuzhinën (siç e dini tashmë).
  • Ne shkruajmë (kryesisht) për tema që lidhen me Pronësinë Intelektuale.
  • Ky është një postim për Pronësinë Intelektuale, që lidhet me makaronat.

 

Fakte mbi pronësisë intelektuale të pastave dhe makaronave të tjera

 

  • Makaronat e gjata, të holla, të forta dhe cilindrike janë krenaria e kuzhinës italiane.
  • Ekziston një Organizatë Ndërkombëtare e Makaronave – e organizuar si një shoqatë jofitimprurëse – e dedikuar ndaj ndërgjegjësimit të konsumatorëve për vlerat  dhe përfitimet e makaronave.
  • Italianët kanë shpikur mbi 1.300 forma makaronash.
  • Ka mbi 2.000 patenta për makineritë që prodhojnë makarona..
  • Vetë forma e makaronave mund të jetë e patentueshme.
  • Dizajni dekorativ i makaronave pappardelle është krijuar dhe patentuar nga Z. Aquilino Di Caro.

Më parë ju kemi dhënë disa këshilla ligjore mbi rëndësinë e patentimit. Për t’i përmbledhur, një patentë:

  • Nxit dhe siguron inovacionin
  • Mbron interesat aktuale dhe të ardhshme ekonomike të shpikësve
  • Informon publikun për çdo shpikje të re
  • Mbështet iniciativat teknologjike
  • Siguron konkurrencë të ndershme në treg
  • Stimulon zbatimin e ligjit
  • Rrit produktivitetin
  • Prezanton produkte dhe shërbime të reja.

Në këtë postim – duam t’a festojmë datën e sotme me një recetë makaronash duke përdorur llojin papardelle.

Ne i kërkuam Rimi Pulaj – një kuzhinieri të specializuar në pjatat me bazë produkte deti – të krijonte një recetë #legit për lexuesit tanë, duke përdorur një dizajn të patentuar makaronash.

 

Përbërësit
  • Papardelle, 100gr
  • Karkalecatë egër, 5 copë
  • Brokoli, 30gr
  • Hudhra, 1 thelpi
  • Verë e bardhë, 50 ml
  • Arrë moskat, 1gr
  • Pistila e shafrani, 15 copë
  • Kripë
  • Vaj ulliri, 20 ml
  • Majdanoz, 1 lugë
Përgatitja

Fillimisht tret pistilat e shafranit në 50 ml ujë. Më pas, në tiganin e nxehur shto vaj ulliri dhe një thelpi hudhër. Prit derisa të ndjesh një aromë të hudhrës së skuqur, e më pas hiqe thelpin e saj, dhe shto karkalecat e egër. Teksa karkalecat janë duke u skuqur, shuaji me verë të bardhë.

Ndërkohë që uji i makaronave është duke zierë, shto në të papardelet.

Shto brokolin në tigan, dhe sapo vera të avullojë,  përzieji të gjithë përbërësit me pak ujë makaronash, për 2 minuta.

Më pas shto në tigan makaronat, pistilat e shafranit, kripën, arrën moskat dhe vazhdo trazo derisa të krijohet një masë kremoze.

Të bëftë mirë!

Nëse e provon recetën, na nis një foto të pjatës ose shpërndaje me hashtagun #legitpasta.

Leave a Reply

Your email address will not be published. Required fields are marked *

http://blog.legit.al/wp-content/uploads/2020/12/logit-white-red-icon.png
Tirana, Albania & Pristina, Kosovo
+ 355 69 634 0059
info@legit.al

Follow us:

STAY INFORMED

Subscribe


Legit.al. Calls may be recorded for quality and training purposes.

Copyright © Legit 2020