BlogBloguBurime LigjoreNdërrmarrësi & TregtiSi e Fitoi Dua Lipa, Shtetësinë Shqiptare?!

November 28, 20220
http://blog.legit.al/wp-content/uploads/2022/11/Si-e-Fitoi-Dua-Lipa-Shtetesine-Shqiptare-1.png

dua folje kalimtare;

  • kam një ndjenjë dashurie, miqësie e dhembshurie për dikë a për diçka, e kam të shtrenjtë a të vyer;
  • më pëlqen shumë diçka e kam dëshirë të merrem me të; dëshiroj të kem diçka që më mungon ose që më pëlqen; kam nevojë të madhe për dikë a për diçka;
  • dua të kem shtetësinë shqiptare!

 

Dua Lipa është ligjërisht shqiptare!

 

Më 27 nëntor 2022, Presidenti i Republikës së Shqipërisë, Z.Bajram Begaj i dha Dua Lipës shtetësinë shqiptare.

Nëse e ke pyetur veten “Po si është e mundur?!”, të ftojmë të vendosësh këngën e preferuar nga repertori i saj, pa u rehatuar shumë, se do t’i biem fare shkurt!

Ka 5 mënyra se si fitohet shtetësia shqiptare:

 

  1. Me lindje
  2. Me origjinë
  3. Me lindje në territorin shqiptar
  4. Natyralizim
  5. Birësim

 

Si e fitoi Dua Lipa, shtetësinë shqiptare?

 

Me natyralizim.

Ligjërisht, Dua plotësoi kriteret e nenit 9, të ligjit Nr. 113/2020 “Për shtetësinë”, sipas të cilit parashikohen raste të veçanta të fitimit të shtetësisë shqiptare nga shtetasit e huaj.

Dua Lipa cilësohej e huaj për ne?!

Po?! Pavarësisht atdhedashurisë, Dua Lipa, për aq kohë sa nuk kishte shtetësinë shqiptare, juridikisht cilësohej si “shtetase e huaj” në Republikën e Shqipërisë.

Qartë!

Pra, çdokush mund ta fitojë shtetësinë shqiptare me natyralizim?

Në fakt, jo tamam! Ka disa kushte që shtetasi i huaj duhet të përmbushi për të fituar nënshtetësinë shqiptare, ndërsa rasti i Dua Lipës përbën atë që quhet “përjashtim nga rregulli”.

 

Fitimi i shtetësisë shqiptare me natyralizim

 

Shtetësia shqiptare fitohet me natyralizim nga i huaji nëse:

  • Ka mbushur 18 vjec
  • Ka zotësi juridike për të vepruar
  • Qëndron në mënyrë të ligjshme dhe të vazhdueshme prej jo më pak se 7 vitesh në Shqipëri
  • Ka banesë në Shqipëri
  • Nuk ka qenë i dënuar
  • Zotëron njohuri të gjuhës shqipe
  • Nuk përbën kërcënim për rendin publik dhe sigurinë kombëtare

Këto kushte duhen përmbushur në mënyrë kumulative. Dukshëm që Dua nuk jeton prej 7-vitesh, e në mënyrë të vazhdueshme në Shqipëri. Kështu që, si ja bëri?

Epo ja, pa një hapësirë në ligj, dhe e shfrytëzoi!

Ka raste kur, pavarësisht se një i huaj nuk i përmbush të gjitha kushtet për fitimin e shtetësisë shqiptare, kjo e fundit mund t’i garantohet për shkak të kontributit të këti personi në art e kulturë.

Pra, e thënë shkurt fare: Dua Lipa e fitoi shtetësinë shqiptare me artin e saj!

Urime Dua! Tashmë je një prej nesh!

Leave a Reply

Your email address will not be published. Required fields are marked *

http://blog.legit.al/wp-content/uploads/2020/12/logit-white-red-icon.png
Tirana, Albania & Pristina, Kosovo
+ 355 69 634 0059
info@legit.al

Follow us:

STAY INFORMED

Subscribe


Legit.al. Calls may be recorded for quality and training purposes.

Copyright © Legit 2020